Қазақстан Республикасы Үкіметінің
2008 жылғы 23 қаңтардағы № 58,
2009 жылғы 19 ақпандағы
№ 194, 2010 жылы 23 сәуірде
№ 343 қаулыларменмен өзгертілген
1. Жалпы ережелер
1. Осы ереже «Білім туралы» Қазақстан Республикасының 2007 жылғы 27 шілдедегі Заңына сәйкес әзірленді және білім беру гранттарын тағайындау тәртібін айқындайды.
2. Осы ережеде мынадай негізгі ұғымдар пайдаланылады:
1) білім беру гранты – кәсіптік білім алуға төлеу үшін Қазақстан Республикасының заңнамасымен белгіленген шарттармен білім алушыға берілетін ақшаның нысаналы сомасы;
2) білім беру саласындағы уәкілетті орган – білім беру саласындағы басшылықты және салааралық үйлестіруді жүзеге асыратын Қазақстан Республикасының орталық атқарушы органы;
3) республикалық конкурстық комиссия – білім беру гранттарын беру жөніндегі конкурсты өткізу үшін білім саласындағы уәкілетті орган құратын комиссия (бұдан әрі – Комиссия).
